In Partnership with AOL Search
 
Hans Christian ANDERSEN (naskiĝis la 2an de aprilo 1805 en Odense, mortis la 4an de aŭgusto 1875 en Kopenhago) estis dana verkisto, kiu ĉefe famiĝis pro la verkado de fabeloj. Tiuj estas tradukitaj al pli ol 80 lingvoj kaj influis diversajn teatraĵojn, filmojn, baletojn kaj aliajn artaĵojn.
Charles Lutwidge DODGSON [ĉarlz latviĝ doĝs'n], pli bone konata laŭ la nomo Lewis CARROLL (naskiĝis la 27-an de januaro 1832 en Daresbury, Cheshire, Anglio - mortis la 14-an de januaro, 1898 en Guildford) estis angla matematikisto kaj logikisto, sed kio igis lin fama estis lia verkado de groteskaj, humuraj fantastaj romanoj, kiuj origine estis destinitaj por la amuzo de infanoj. Lia lerta lingvouzo spicita per inteligentaj vortludoj ne nur amuzis la legantojn, sed eĉ fariĝis objekto de filozofiaj esploroj.
Vsevolod Miĥailoviĉ GARŜIN (ruse Всеволод Михайлович Гаршин; naskiĝis la 14-an de februaro 1855 en Prijatnaja Dolina; mortis la 5-an de aprilo 1888 en Peterburgo) estis rusa verkisto.
La franca verkisto Victor HUGO naskiĝis je la 26-a de februaro 1802 en Besançon, kaj mortis je la 22-a de majo 1885 en Parizo. Li estis fama reprezentanto de la franca romantikismo, membro de la Académie Française, ankaŭ politike aktiva.
KALOCSAY Kálmán (Kolomano) [KAloĉaj ka'lma'n] (6-a de oktobro 1891 en Abaújszántó – 27-a de februaro 1976) estis hungara Esperanta poeto, tradukisto, kaj redaktoro kiu multe influis la evoluon de Esperanto-literaturo kaj de la lingvo mem.
La eminenta hungara verkisto, ĵurnalisto kaj tradukisto KARINTHY Frigyes (karinti) naskiĝis je la 25-a de junio 1887 en Budapeŝto kaj mortis je la 29-a de aŭgusto 1938 en la hungara urbeto Siófok. Li verkis poemojn, eseojn, teatraĵojn, novelojn kaj romanojn – plejparte kun humura/satira enhavo.
Rudyard KIPLING (naskiĝis la 30-an de decembro, 1865, mortis la 18-an de januaro, 1936) estis brita aŭtoro de poezio kaj prozo, gajninto de la Premio Nobel de Literaturo en 1907.
Pär Fabian Lagerkvist (naskiĝis la 23-a de majo 1891 en Växjö, mortis la 11-an de julio 1974 sur la insulo Lidingö) estis sveda verkisto. En la jaro 1951 li estis honorata per la Premio Nobel de Literaturo.
Selma Ottilia Lovisa LAGERLÖF (naskiĝis la 20an de novembro 1858 en la bieno Mårbacka en la sveda provinco Värmland, mortis samloke la 16an de marto 1940) estis sveda verkistino. En la jaro 1909 ŝi kiel unua virino gajnis la Premion Nobel de Literaturo.
Brazila Esperanto-verkisto.
Edgar Allan Poe (* 19-a de januaro 1809 en Bostono, Masaĉuseco, † 7-a de oktobro 1849 en Baltimore) estis aŭtoro de poeziaĵoj, romanoj kaj rakontoj. Siajn unuajn poemojn li verkis kiel soldato. Post fiaskoj en la Universitato de Virginio (ĉefe pro troa alkoholkonsumo) kaj en la Militakademio de West Point (pro sia ribelema karaktero) li fine decidis dediĉi sin plene al la verkado. Plej famaj ĝis nun estas liaj hororaj rakontoj kaj lia tiutempe tute nova formo de krimliteraturo.
Aleksandr Sergejeviĉ PUŜKIN (ruse Александр Сергеевич Пушкин) (6-a de junio 1799 — 10-a de februaro 1837) estis fama rusa verkisto. Li estas rigardata kiel la fondinto de la moderna rusa literaturo.
August STRINDBERG (oficiala elparolo [áŭgust strín(d)berj], sed li mem verŝajne prononcis sian antaŭnomon [ógust]) (naskiĝis la 22-an de januaro 1849 en Stokholmo, mortis la 14-an de majo 1912 en Stokholmo) estis sveda aŭtoro de dramoj, romanoj kaj noveloj, reprezentanto de realisme-naturalisma stilo.
Copyright © 1998-2014 AOL Inc. Kondiĉoj de uzo
Lasta ŝanĝo: Thursday, April 3, 2014 2:54:05 PM EDT - redaktu